23 ოქტომბერს, 18:30 საათზე, სასტუმრო Holiday Inn -ში საქართველოს საერთაშორისო სავაჭრო პალატა (სსსპ) საზოგადოებას ახალ ინიციატივას გააცნობს - სსსპ-ს ახალგაზრდული ფრთის ჩამოყალიბება. ახალგაზრდული სსსპ-ს დაფუძნების მიზანს წარმოადგენს, ქართველი ახალგაზრდებისთვის ბიზნესის კეთების და უნარების შეძენის ბიძგის მიცემა და განვითარება, იმისთვის რომ სსპ-ში მომავალი ბიზნეს პროფესიონალების ჩართულობისთვის პლატფორმა შეიქმნას.
23 ოქტომბერს დაგეგმილ პრეს კონფერენციაზე სსსპ-ის თავმჯდომარე და ინიციატივის ავტორი, ცნობილი ბიზნესმენი ფადი ასლი თავად ისაუბრებს პროექტის დეტალებზე პარტნიორი უნივერსიტეტების და სახელმწიფო სტრუქტურების წარმომადგენლებთან ერთად.
„ახალგაზრდული ფრთის შექმნა არის ყველაზე მნიშვნელოვანი ინიციატივა, რომელიც სსსპ-ს არსებობის მანძილზე განხორციელებულა. ჩვენი პროექტი მომავალ თაობას დაეხმარება წარმატებით აითვისონ თანამედროვე ბიზნესისთვის აუცილებელი უნარები და გახდნენ ლიდერები ახლო მომავალში", განაცხადა სსსპ-ს თავჯდომარემ ფადი ასლიმ.