ე.წ. ციხის ბუნტის საქმეზე მოსამართლე სათათბიროდ გავიდა. როგორც მოსამართლემ განმარტა ის საბოლოო განაჩენს მომდევნო კვირაში გამოაცხადებს.
დღევანდელ სასამართლო პროცესზე კი დაცვისა და ბრალდების მხარეებმა დასკვნითი სიტყვა წარმოთქვეს, სიტყვისა უფლება მიეცა თავდაცვის ყოფილ მინისტრს ბაჩო ახალაიასაც.
,,ჩემი შეფასებით პროკურატურას აქვს ახლი ტაქტიკა, რომელსაც მოწმეების ჩადება ჰქვია. ადრე თუ იარაღისა და ნარკოტიკის ჩადება იყო, ახლა პროკურატურა მოწმეების ჩადებას ამკვიდრებს. 6-7 წლის წინ მე ლეგიტიმურად ვიმყოფებოდი იმ ტერიტორიაზე, რაზეც აღნიშნულ საქმეშია საუბარი და ლეგიტიმურ ღონისძიებებს ვახორციელებდი, 6 წლის შემდეგ მოდის პროკურორი და გვეუბნება, რომ დანაშაული ჩავიდინეთ", - განაცხადა ახალაიამ სასამართლო პროცესზე.
შეგახსენებთ, რომ ე.წ. ციხის ბუნტის საქმეზე ბაჩო ახალია უფლებამოსილების გადამეტებაშია ბრალდებული.
