მისურის ზოოპარკში 41 წლის დედა სპილომ, რომლის სახელია Patience ადამიანი მოკლა. მოკლული ზოოპარკის გამოცდილი ზედამხედველია. სპეციალისტებმა ჯერ ჯერობით ვერ გადაწყვიტეს, თუ რა უყონ აგრესიულ ცხოველს. ინფორმაციას ამის შესახებ „ბი-ბი-სი" ავრცელებს.
62 წლის ჯონ ბრედფორდი სპილოსთან მუშაობდა, როდესაც უეცრად ცხოველი მის მხარეს დაიძრა და იგი მოკლა.
აღსანიშნავია, რომ ამ ინციდენტამდე მცირე ხნით ადრე, ზოოპარკის ხელმძღვანელოვბამ დააძინა სპილოების ჯოგის მეთაური სახელად პინკი, რომელსაც თირკმელების დაავადება აწუხებდა.
Patience ზოოპარკში 1990 წლიდან ცხოვრობს და მას აგრესია ადრეც გამოუვლენია.
