რუსეთის ვიცე-კონსულზე ევგენი მანილოვზე პანამაში თავდასხმა მოხდა. დიპლომატი დანითაა დაჭრილი. რუსული მედიის ინფორმაციით, თავდამსხმელი უკრაინის მოქალაქეა. პანამაში რუსეთის ელჩის ალექსეი ერმაკოვის თქმით, თავდამსხმელი ოდესის მცხოვრები, 1991 წელს დაბადებული ალექსეი ლისოვენკოა.
თავდასხმის ოფიციალურ მოტივად ფულის გამოძალვაა დასახელებული. ვრცელდება ინფორმაცია, რომ თავდამსხმემელი დიპლომატს ფულს სთხოვდა და უარის გამო მან „შურისძიების აქტი" განახორციელა.
წინასწარი ინფორმაციით, დიპლომატს თავს საკონსულოს შენობის გარეთ დაესხნენ. პანამის საერთაშორისო ბიზნეს-ცენტრის ავტოსადგომზე. რუსი დიპლომატი საავადმყოფოშია მოთავსებული. მას ჩაუტარდა ოპერაცია და მის სიცოცხლეს საფრთხე არ ემუქრება.
შეგახსენებთ, რომ სულ რამდენიმე დღის წინ, ასევე რუს დიპლომატზე, ჰააგაში, რუსეთის საელჩოს მრჩეველზე ვლადიმერ ბოროდინზე ასევე თავდასხა მოხდა. მის ბინაში სამართალდამცავი ორგანოების თანამშრომლები შეიჭრნენ და დიპლომატი სასტიკად სცემეს, იმ საბაბით, რომ ის ბავშვებს ექცეოდა ცუდად. ამის შემდეგ ნაცემი რუსი დიპლომატი პოლიციის განყოფილებაში წაიყვანეს, სადაც დილამდე ამყოფეს. აის შემდეგ, დიპლომატი ყოველგვარი ბოდიშის მოხდისა და ახსნა-განმარტების გარეშე გაათავისუფლეს.
ამით აღშფოთებულმა რუსეთის საგარეო უწყებამ ნიდერლანდებში საპროტესტო ნოტა გააგზავნა. ამ ინციდენტის გამოძიება კი რუსეთის პრეზიდენტმა ვლადიმერ პუტნმაც მოითხოვა. მოსკოვი ახსნა-განმარტებებს მოითხოვს.
ამას გარდა, მანამდე 9 სექტემბერს ოკუპირებულ აფხაზეთში რუსი დიპლომატი, აფხაზეთში არსებული რუსეთის ე.წ. საელჩოს პირველი მდივანი დიმიტრი ვიშერნევი მოკლეს. თავდასხმის დროს ვიშერნებთან ერთად იმყოფებოდა მისი მეუღლე, რომელიც მიღებული ჭრილობებისაგან, გონზე მოუსვლელად რამდენიმე დღეში სოხუმის საავადმყოფოში გარდაიცვალა. დიპლომატს მაშინ გაუხსნეს ცეცხლი, როდესაც ისი საკუთარი საცხოვრებელი სახლიდან გამოვიდა. ოფიციალური ინფორმაციით მკვლელობა გახსნილია.