ხვალ, 12 ოქტომბრიდან საჯარო სკოლებში გამოსაშვები გამოცდები იწყება. როგორც ,,ჯი-ეი-ენთან" საუბარში გამოცდების ეროვნული ცენტრის ხელმძღვანელის მოადგილემ ივანე მინდაძემ განაცხადა გამოსაშვები გამოცდები 4 საგანში ფიზიკაში, ქიმიაში, ბიოლოგიასა და გეოგრაფიაში კომპიუტერზე ადაპტირებული ტესტირებით CAT-ის სისტემით ჩატარდება.
მისივე განცხადებით, საგამოცდო პროცესში, დაახლოებით, 1500-მდე სკოლა და 2000-მდე მეთვალყურეა ჩართული.
,,გამოცდა დაახლოებით 1500-მდე სკოლაში ტარდება, გამოცდას კი 40 000-მდე მოსწავლე აბარებს. პროცესს კი 2000-მდე მეთვალყურე აკვირდება. იმედია, მოსწავლები წარმატებით ჩააბარებენ გამოსაშვებ გამოცდებს", _განაცხადა ,,ჯი-ეიჩ-ენან " საუბარში მინდაძემ.
მისივე განცხადებით გამოცდაზე მინიმალური კომპეტენციის ზღვარი 5, 5 ქულა იქნება. ხოლო რაც შეეხება იმ მოსწავლეებს ვინც მინიმალური კომპეტენციის ზღვარს ვერ გადალახავს მათ გამოცდის ჩაბარება დამატებით გაზაფხულზე შეეძლებათ.
შეგახსენებთ, რომ 12 ოქტომბერს გამოსაშვები გამოცდა გეოგრაფიაში; 13 ოქტომბერს - ფიზიკაში; ოქტომბერს - ბიოლოგიაში;15 ოქტომბერს კი_ქიმიაში ჩატარდება.