„აზროვნების თავისუფლებისათვის" ანდრეი სახაროვის სახელობის პრემიის ლაურეატი პაკისტანელი სკოლის უფლებათადამცველი, სკოლის მოსწავლე გოგო მალალა იუსიფზაი გახდა რომელიც თალიბებმა თავში დაჭრეს. პრემიას ყოველწლიურად ევროპარლამენტი გადასცემს.
აღნიშნული გადაწყვეტილების კომენტირებისას სააგენტო „ფრანს პრესთან" საუბარში, ევროპარლამენტის ერთ ერთმა დეპუტატთაგანმა, კონსერვატული ევროპული სახალხო პარტიის ვიცე-პრეზიდენტმა ჯოზეფ დოლმა განაცხადა: „ჩვენ გვინდა, რომ მსოფლიომ იცოდეს, რომ ჩვენი იმედი უკეთესი მომავლისა დაკავშირებულია ისეთ ახალგაზრდა ადამიანებთან როგორიც არის მალალა".
16 წლის სკოლის მოსწავლე გოგონა აქტიურად იბრძვის გოგონებისათვის განათლების უფლების მოპოვებისათვის, რის გამოც გახდა კიდეც თალიბანის სამიზნე.
2009 წელს მალალამ ფსევდონიმის ქვეშ „ბი-ბი-სი" ზე ბლოგერობა დაიწყო. თავის ბლოგში ეს წერდა პაკისტანის სამხრეთ-დასავლეთ ნაწილში არსებულ ცხოვრებაზე, მდგომარეობაზე იმ რაიონებში სადაც თალიბები განაგებენ ყველაფერს. ის პროტესტს აცხადებდა იმაზე, რომ თალიბებმა გოგონებს სკოლაში სიარული აუკრძალეს.
2012 წლის ოქტომბერში თალიბებმა მასზე თავდასხმა განახორციელეს - მას თავში ესროლეს, მაშინ როდესაც იგი სკოლიდან სახლში ბრინდებოდა და ავტობუსში იჯდა.
გოგონა გადარჩა, თუმცა კინაღამ დაკარგა სმენა. მას ოპერაცია ბირმინგენის საავადმყოფოში ჩაუტარეს. ამჟამად 16 წლის გოგონა მშრობლემთან ერთად ბრიტანეთში ცხოვრობს. სამშობლოში მყოფ ისლამისტებს კი მისი მოკვლის პირობა აქვთ დადებული.
პაკისტანელი სკოლის მოსწავლე გოგონა ასევე ნომინირებულია ნობელის მშვიდობის პრემიაზე.
