,,მთავრობის მიერ საქართველოს პარლამენტში შემოტანილი ბიუჯეტის პროექტით ნათელი ხდება ორი რამ: პირველი_ მთავრობა აღიარებს, რომ საქართველოს ეკონომიკა გაჩერებულია და იმყოფება სტაგნაციაში; მეორე_მიუხედავად მთავრობის მიერ ამის აღიარებისა, მთავრობა არ გეგმავს არაფერს, რაც სამუშაო ადგილების შემდგომ შემცირებასა და ჩვენს ქვეყანაში ცხოვრების დონის გაუარესებას შეეწინააღმდეგება.ჩვენ მიერ გამოთქმული აზრის დასადასტურებლად არსებობს 5 მიზეზი: 1. ეკონომიკის ზრდა გათვლილია 5%-ზე - რაც არარეალურია. რადგან მიმდინარე წლის 8 თვის ზრდა შეადგენს 1,6%-ს; სამწუხაროდ, არანაირი საფუძველი არ არსებობს, რომ ვივარაუდოთ ეკონომიკური ზრდის ასეთი მატება; 2 მთავრობას არ შესწევს უნარი გადასახადების მობილიზების. შესაბამისად, იგი აპირებს 400 მლნ-იანი შიდა მაღალპროცენტიანი ვალის აღებას, რასაც ობლიგაციებისა და ფასიანი ქაღალდების გამოცემით ანაცვლებს; 3 ბიუჯეტის დეფიციტი იქნება 3,9%, ევროპული მაჩვენებელი არის 3 %, ხოლო წლევანდელი დამტკიცებული არის 2,8%. მაკროეკონომიკური მაჩვენებლების ასეთი გაუარესება ნდობას უკარგავს ქვეყნის ეკონომიკას, რაც უარყოფითად აისახება როგორც მოქმედ, ისე პოტენციურ ინვესტორებზე და სამუშაო ადგილების შექმნაზე;
4. არცერთი ახალი სოციალური პროექტი არ იწყება. მაგ.: არცერთი თეთრით არ გაიზრდება პენსია;5. ინფრასტრუქტურული დანახარჯები მცირდება, რაც პირდაპირ იწვევს უმუშევრობის ზრდას და ინვესტიციების შემცირებას", _აცხადებს მელიქიშვილი და აღნიშნავს, რომ ამ ფოზე მნიშვნელოვნად შემცირდება სამუშაო ადგილებიც.