დამასკოს სამხრეთით მდებარე რამდენიმე რაიონში სირიის ოპოზიციასა და რეგულარულ ჯარებს შორის ბრძოლა მიმდინარეობს. სამთავრობო ჯარები ბრძოლაში საბრძოლო თვითმფრინავებს იყენებენ. ინფორმაციას ამის შესახებ ორგანიზაცია „Syrian Observatory for Human Rights" ავრცელებს.
მონიტორინგის ამ ორგანიზაციის მონაცემებით, ბრძოლის შედეგად უკვე მოკლულია 22 ადამიანი, მათი უმეტესობა ოპოზიციის რიგებიდანაა. მათ შორის მოკლულია ამბოხებულთა ერთ-ერთი საველე მეთაური.
ამავე დროს, ოპოზიციური წყაროები იუწყებიან, რომ ბრძოლაში დაღუპულია სამთავრობო ძალების ათობით წარმომადგენელი.
სირიის სახელმწიფო სააგენტო იუწყება, რომ დამასკოს პროვინციაში არმიის დანაყოფებმა დასახლებები ალ-ჰუსეინია და ად-დიაბია დაიკავეს, ტერორისტებმა კი დიდი დანაკარგები განიცადეს.
მასალის გამოყენების პირობები
