აჭარის ავტონომიური რესპუბლიკის საზოგადოებრივი ჯანდაცვის ცენტრის ქვეპროგრამის, ,,ავადობის აქტიური გამოვლენა (ჯანსაღი სკოლა)", ფარგლებში სკოლის მოსწავლეთა სკრინინგი გრძელდება ბათუმის, ქობულეთის, ხელვაჩაურისა და ხულოს მუნიციპალიტეტის საჯარო სკოლებში. ახალი სასწავლო წლის დაწყებიდან დღემდე ბათუმში - შესრულდა 8 ვიზიტი, გამოკვლეულ იქნა 716 ბენეფიციარი. ხელვაჩაურში - 8 ვიზიტი, 736 ბენეფიციარი, ხულოში - 6 ვიზიტი, 484 ბენეფიციარი, ქობულეთში - 4 ვიზიტი, 348 ბენეფიციარი. ქვეპროგრამის დაწყებიდან დღემდე ჯამში შესრულებულია 244 ვიზიტი, გამოკვლეულია - 22 587 მოსწავლე, გაწეული კონსულტაციების რაოდენობა - 90 347.
ქვეპროგრამას ახორციელებს ტენდერში გამარჯვებული სამედიცინო დაწესებულება - ბათუმის N1 პოლიკლინიკა.
პედიატრის, ოკულისტის, ენდოკრინოლოგისა და ნევროპათოლოგის კონსულტაციები გაეწვა აჭარის ავტონომიურ რესპუბლიკის საჯარო და კერძო სკოლების პირველი-მერვე კლასის მოსწავლეებს. ასევე ჩტარდება ბაღის აღსაზრდელთა გამოკვლევებიც ქობულეთის, ხელვაჩაურის, ქედის, შუახევისა და ხულოს მუნიციპალიტეტების ტერიტორიაზე არსებული საბავშვო ბაღებში.
პირველადი დიაგნოზის დაზუსტების მიზნით საჭიროების შემთხვევაში ჩატარდება ბენეფიციართა რენტგენოლოგიური, ექოსკოპიური, ფარისებრი ჯირკვლის ჰორმონალური გამოკვლევა, ვიზომეტრია, ავტორეფრაქტომეტრია, ბიოოფთალმოსკოპია, ტონომეტრია, ოფთალმოსკოპია, თვალის ულტრაბგერითი გამოკვლევა, ენცეფალოგრაფია და სხვა სახის გამოკვლევები, სკრინინგის შემდგომი კონსულტაცია. ყველა პროგრამული ღონისძიება ბენეფიციართათვის უფასოა.
