12 ნოემბერს, თბილისში, საგამოფენო ცენტრ „ექსპო ჯორჯიაში", ევროკავშირის მიერ ინიცირებული პროექტის -ის ფარგლებში, ფართო მასშტაბიანი საინვესტიციო ფორუმი გაიმართება, სადაც მონაწილეობას მიიღებენ პროექტის პარტნიორი ევროკავშირის ქვეყნების სავაჭრო-სამრეწველო პალატების წარმომადგენლები ბიზნეს-დელეგაციებთან ერთად, აგრეთვე ევროპის სხვადასხვა ქვეყნების საქმიანი წრეების წარმომადგენლები. საქართველოს სავაჭრო-სამრეწველო პალატის ინფორმაციით, ფორუმზე წარმოდგენილი იქნება შემდეგი სექტორები: სოფლის მეურნეობა, ტურიზმი, საინფორმაციო ტექნოლოგიები, მსუბუქი მრეწველობა, ალტერნატიული ენერგია, ტრანსპორტი და ლოჯისტიკა, მყარი კონსტრუქციები მშენებლობაში.
„საინვესტიციო ფორუმის მიზანია ევროპელი ბიზნესმენებისთვის არა მხოლოდ ზოგადი თანამშრომლობის შეთავაზება, არამედ კონკრეტული საინვესტიციო პროექტების განხილვა მსხვილ, საშუალო და მცირე ბიზნეს-სექტორებში.
ქართული მხრიდან კონფერენციაში მუშაობაში მონაწილეობას მიიღებენ საქართველოს მთავრობისა და კერძო სექტორის წარმომადგენლები. გაიმართება სექტორული სემინარები და ვორკშოფები ზემოაღნიშნული დარგების ირგვლივ. გაიმართება ორმხრივი შეხვედრები ქართული და ევროპული კომპანიების წარმომადგენლებს შორის"- აცხადებენ საქართველოს სავაჭრო-სამრეწველო პალატაში.
