მიხეილ სააკაშვილს სიტყვა-სიტყვით ვეთანხმები რუსეთთან მიმართებაში რაც თქვა,"- ამის შესახებ საპარლამენტო უმრავლესობის წევრმა თინა ხიდაშელმა საქართველოს პრეზიდენტის მიხეილ სააკაშვილის გაეროს გენერალური ასამბლეის რიგით 68-ე სესიაზე პრეზიდენტის რანგში ბოლოჯერ სიტყვით გამოსვლის შეფასებისას ისაუბრა.
"მიუხედავად იმისა, რომ პრაქტიკულად ვიზიარებ ყველა სიტყვას, რაც მიხეილ სააკაშვილმა რუსეთთან მიმართებაში თქვა, მან მაინც ვერ გაიგო ის, რომ საქართველოში ასე, ამ ტერმინოლოგიით და ასეთი ფრაზეოლოგიით აღარ ლაპარაკობს დღეს ხელისუფლება და ეს ჩემი აზრით, ძალიან პრინციპულად მნიშვნელოვანი განცხადებაა. კიდევ ერთხელ ვამბობ, მიუხედავად იმისა, რომ სიტყვა-სიტყვით ვეთანხმები მას ამ ნაწილში, ესრ არის ქვეყნის პრეზიდენტი როგორც უნდა საუბრობდეს გაერო-ს ტრიბუნიდან,"- განაცხადა თინა ხიდაშელმა.
შეგახსენებთ, რომ გუშინ, ნიუ იორკის დროით 18:00 საათზე საქართველოს პრეზიდენტი მიხეილ სააკაშვილი გაეროს გენერალური ასამბლეის რიგით 68-ე სესიაზე სიტყვით გამოვიდა და ქვეყნის საგარეო და საშინაო პოლიტიკის საკითხებზე, ასევე საგარეო საფრთხეებზე და საქართველოსადმი რუსეთის დამოკიდებულებაზე ვრცლად ისაუბრა. მიხეილ სააკაშვილის სიტყვით გამოსვლისას რუსეთის ფედერაციის დელეგაციამ დარბაზი პროტესტის ნიშნად დატოვა.