"პირწავარდნილი ნაცები დღეს ჩვენზე პირჯვარს იწერენ და სადღეგრძელოებს ამბობენ."- ამის შესახებ საქართველოს პრემიერ-მინისტრმა ბიძინა ივანიშვილმა ექსპერტებთან გამართულ შეხვედრაზე ისაუბრა.
ივანიშვილის თქმით, კოალიცია "ქართულ ოცნებას" ჯერ საქმიანობის პიკისთვის არ მიუღწევია და ჯერ კიდევ მზარდი რეიტინგი აქვს და განცხადებები იმის შესახებ, რომ პარტია პოპულარობას კარგავს, ჭეშმარიტებას მოკლებულია.
"როდესაც ზოგადად საუბრობთ, რომ მხარდაჭერა კლებულობს, მე ვერ გეთანხმებით ასეთ ტენდენციურობაში. მე გაჩვენებთ უფრო შემთხვევებს, რომ პირწავარდნილი ნაცები დღეს ჩვენზე პირჯვარს იწერენ და სადღეგრძელოებს ამბობენ",-განაცხადა ბიძინა ივანიშვილმა.
