,,წინა ხელისუფლებიდან ზურაბ ადეიშვილი ჩემთვის ყველაზე საინტერესო და ნიჭიერი კაცია", _განაცხადა ექსპერტებთან შეხევდრისას ბიძინა ივანიშვილმა.
,,თვის დროზე მახსოვს, როდესაც მერაბიშვისაც და სააკაშვილსაც ვხვდებოდი, მერაბიშვილი ჩემდა გასაოცრად ისეთ ეკონომიკურ ტერმინებს ამბობდა გაოცებას ვერ ვმალავდი, საიდან ვეკითხებოდი და მეუბნებოდა ადეიშვილია ჩემი მასწავლებელიო. იქიდან მოყოლებული სულ მაინტერესებდა ეს ადამიანი, მაგრამ მისი გაცნობა ვერ მოვასწარი. სასამართლო, პროკურატურაც ამის დალაგებულია და მგონია სააკაშვილს როგორც უნდოდა პოლიცია ისე დაულაგა და აშკარად ჩანს ძალიან ნიჭიერი კაცია იყო. საუბედუროდ იგივე ადეიშვილზე კარგად მახსოვს მერაბიშვილი რომ მეუბნებოდა შედი ერთი მაგის სახლში როგორ პარკეტში ცხოვრობს და ძველი, პირველი თაობის მობილურ-ტელეფონს ხმარობსო და არაფრის გაგონება და გაკარება არ უნდა. ამას რატომ ვიგონებ, რომ ერთი კაცის იდეოლოგიამ და ერთი კაცის გაუაზრებელმა გადაწყვეტილებებმა ბევრი ადამიანი აიძულა ამაში მონაწილეობა მიეღო და ბევრს წამოსვლის საშუალება არ ჰქონდა, ზოგს სხვა სამსახური არ ჰქონდა და საბოლოოდ გადაიქცნენ იმად რაც მივიღეთ", _განაცხადა ივანიშვილმა ექსპერტებთან შეხვედრისას და აღნიშნა, რომ მიუხედავად ამისა, მან ჩადენილისთვის პასუხი უნდა აგოს.