"პოლიცია დღეს ჩვენ გვყავს თითქმის კარგი, თუ ძალიან კარგი არა. საოცრება მოახდინა შინაგან საქმეთა მინისტრმაც და საოცრება მოხდა პოლიციაშიც,"-ა მის შესახებ საქართველოს პრემიერ-მინისტრმა ბიძინა ივანიშვილმა ექსპერტებთან გამართულ შეხვედრაზე ისაუბრა.
ივანიშვილის თქმით, "მიუხედავად იმისა, რომ საქართველოს ახალ ხელისუფლებას კრიმინალის მზარდი ტენდენციის გამოწვევაში ადანაშაულებდნენ, მასიურად შემცირდა კრიმინალი და ერთი პერიოდის განმავლობაში, ახალი მთავრობის იმიჯის შესალახად, ერთი ღამის განმავლობაში დაამტვრიეს მანქანების მინები".
"პრეტენზიები რომ გაქვთ პოლიციასთან, თუ შეადარებთ გერმანულს ან სხვა მაგალითს, რა თქმა უნდა სხვაობა იქნება. ისევ გახსენებთ, რეალობიდან გამოდით, საოცრება მოხდა პოლიციაშიც, პროკურატურაშიც და სასამართლოშიც თუ გნებავთ ამ ატი თვის განმავლობაში რაც მოხერხდა. თქვენ რეალობიდან ამოდით, თქვენ გინდათ, რომ რომის პაპზე დიდი კათოლიკეები გახდეთ უეცრად და პოლიცია იყოს სუკეთესო რაც გაგიგონიათ ოდესღაც. იდეალური პოლიცია ევროპაშიც არ არსებობს, იქაც ბევრია კითხვები. როდესაც ამბობთ, რომ პოლიციასთანაც გაქვთ კითხვები, პროკურატურასთანაც ძალიან ბევრი გაქვთ, კიდევ ერთხელ შეგახსენებთ, რეალობიდან გამოდით. საოცრება მოხდა, ის პოლიცია, რომელიც ძალადობდა საკუთარ ხალხზე, რომელიც გამოყენებული იყო ინსტრუმენტებად. პოლიცია არათუ იცავდა, არამედ ძალადობდა საკუთარ ხალხზე და დღეს კულტურულად ახორციელებს თავის კანონიერ უფლებებს და ქართველი ხალხის სამსახურში ჩადგა,"- განაცხადა ბიძინა ივანიშვილმა.