,,დაპირება, რომ აღვადგენდით სამართლიანობას, დიდი ნაწილი შესრულებულია", _განაცხადა ბიძინა ივანიშვილმა ექსპერტ კახა კახიშვილის შეკითხვაზე თუ რატომ ვერ უზრუნველყო ხელისუფლებამ მთავარი დაპირების შესრულება სამართლიანობის აღდგენასთან დაკავშირებით
,,ზოგიერთ ჩვენს ოპონენტს რომლებიც მონაწილეობას იღებენ საპრეზიდენტო არჩევნებში ძირითად თემატიკად, ძირითად ლოზუნგად ეს აქვთ, რომ ქვეყანაში არ აღდგა სამართლიანობა. მე ნამდვილად ვამბობ, რომ ვიძლეოდით დაპირებას, რომ აღვადგენდით სამართლიანობას. ქონების ჩამორთმევას რაც შეეხება, ეს საკითხიც სამართლიანობის ნაწილია. სამართლიანობის აღდგენა ეს იყო ჩვენი ერთ-ერთი ძირითადი დანაპირები და დღესაც პასუხისმგებლობით ვეკიდები ამ დაპირებას. გვაანალიზოთ სად ვართ დღეს ვასრულებთ, თუ არა ამ დაპირებას. ვფიქრობ, რომ ძირითადი ნაწილი ამ დანაპირების შესრულებულია და დანარჩენი არის პროცესში", _განაცხადა ივანიშვილმა.
პრემიერმა სამართლიანობის აღდგენის მაგალითად ის დაასახელა, რომ ახალი ხელისუფლების მოსავლის შემდეგ პოლიცია მოქალაქეებზე ვეღარ ძალადობს.
ივანიშვილის განცხადებით, წინა ხელისუფლების დროს ყველაზე ხშირი ქონების ჩამორთმევის ფაქტები იყო. როგორც ექსპერტებთან ივანიშვილმა განაცხადა ამჟამინდელი ხელისუფლება დილემის წინაშეა თუ ყველა ვალს საკუთარ თავზე აიღებს შეიძლება ამით საზოგადოებას განვითარების პერსპექტივა დაეკარგოს. როგორც ივანიშვილმა განაცხადა ამ მიმართულებით მიუხედავად იმისა, რომ ბევრი ვარიანტი განიხილეს გამოსავალი ვერ ნახეს.