გაერო-ს გენერალური ასამბლეის ფარგლებში საქართველოს საგარეო საქმეთა მინისტრმა მაია ფანჯიკიძემ შეხვედრა გამართა ვანუატუს საგარეო საქმეთა მინისტრთან ედუარდ ნატაპეისთან.
შეხვედრაზე მხარეებმა კიდევ ერთხელ გამოხატეს კმაყოფილება ორ ქვეყანას შორის დიპლომატიური ურთიერთობების დამყარების გამო; ვანუატუს საგარეო საქმეთა მინისტრმა კიდევ ერთხელ ხაზგასმით აღნიშნა, რომ ვანუატუ პატივს სცემს საქართველოს სუვერენიტეტს და ტერიტორიულ მთლიანობას მის საერთაშორისოდ აღიარებულ საზღვრებში.
"ჩვენ განვიხილეთ ორ სახელმწიფოს შორის ურთიერთობების განვითარების პერსპექტივები და ასევე იმედი გვაქვს, რომ გვეყოლება ჩვენი წარმომადგენელი - საპატიო კონსული საქართველოში. ჩვენ ვიმუშავებთ თანამშრომლობის შეთანხმებაზე, რომლის ხელმოწერაც ურთიერთობების გაღრმავების საშუალებას მოგვცემს", - აღნიშნა ვანუატუს საგარეო საქმეთა მინისტრმა.
მასალის გამოყენების პირობები