სასტუმრო „რედისონ ბლუ ივერიაში" საქართველოს პარლამენტის ევროპასთან ინტეგრაციის კომიტეტის, ამერიკის დემოკრატიული განვითარების ინსტიტუტისა (NDI) და აშშ-ს საერთაშორისო განვითარების სააგენტოს(USAID) ფინანსური მხარდაჭერით კონფერენცია გაიმართა, სადაც პარლამენტის ევროპასთან ინტეგრაციის კომიტეტის თავმჯდომარე ვიქტორ დოლიძემ კომიტეტის ერთწლიანი მუშაობის შედეგები შეაჯამა.
ღონისძიებას მოწვეული სტუმრის სტატუსით ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ალექსი პეტრიაშვილი დაესწრო.
სახელმწიფო მინისტრმა საკანონმდებლო, აღმასრულებელი ხელისუფლებისა და საერთაშორისო და ადგილობრივი არასამთავრობო ორგანიზაციების წარმომადგენლების წინაშე აპარატის ერთწლიანი მუშაობის შედეგები წარადგინა.
ალექსი პეტრიაშვილმა სიტყვით გამოსვლისას ყურადღება გაამახვილა ქვეყნის ევროპულ და ევროატლანტიკურ სტრუქტურებში ინტეგრაციის თვალსაზრისით მიმდინარე მნიშვნელოვან საკითხებზე, როგორიცაა: ევროკავშირთან ასოცირებისა და მისი შემადგენელი ნაწილის თავისუფალი სავაჭრო სივრცის შესახებ მოლაპარაკებების დასრულება, ევროკავშირთან სავიზო ლიბერალიზაციის გეგმის შესრულების დინამიკა, ჩრდილოატლანტიკური საბჭოს ვიზიტი საქართველოში, ასევე, სახელმწიფო მინისტრისა და აპარატის თანამშრომლების მიერ მიერ ევროპის ქვეყნებში განხორციელებული ვიზიტები.
ღონისძიებაში, ასევე, მონაწილეობდნენ ევროკავშირთან ზემოთ აღნიშნულ მოლაპარაკებებში ჩართული უწყებების-საქართველოს საგარეო საქმეთა და ეკონომიკისა და მდგრადი განვითარების სამინისტროების წარმომადგენლები.
ანგარიშის წარდგენის დასრულების შემდეგ აღმასრულებელი და საკანონმდებლო ხელისუფლების წარმომადგენლებმა კონფერენციის მონაწილე არასამთავრობო ორგანიზაციების წარმომადგენლების შეკითხვებს უპასუხეს