1 ოქტომბერს, 18:00 საათზე, ვანო სარაჯიშვილის სახელობის კონსერვატორიის დიდ დარბაზში პიანისტთა თბილისის V საერთაშორისო კონკურსი კონცერტით გაიხსნება.
კონცერტში მონაწილეობენ: სოლისტი- ალბერტო ნოზე (იტალია), დირიჟორი გოგი ჭიჭინაძე (საქართველო). თბილისის სახელმწიფო კამერული ორკესტრი "საქართველოს სიმფონიეტა".
პიანისტთა სდაერთაშორისო კონკურსის ფარგლებში მასტერკლასებს გამართავენ: ალბერტო ნოზე (იტალია); რამაზი იასა (ეგვიპტე /საფრანგეთი); მარტა სოშინსკა (პოლონეთი/გერმანია); ოქსანა იაბლონსკაია (აშშ); ნორმა ფიშერი (დიდი ბრიტანეთი); როლფ-დიტერ არენსი (გერმანია); ჩუნგ-მო კანგი (სამხრეთ კორეა) და ტერეზ დიუსო (საფრანგეთი).
პიანისტთა თბილისის V საერთაშორისო კონკურსი 14 ოქტომბერს ლაურეატთა გალა კონცერტით დაიხურება.
პიანისტთა თბილისის საერთაშორისო კონკურსი პირველად ჩატარდა 1997 წლის ოქტომბერში. 2002 წლიდან პიანისტთა თბილისის საერთაშორისო კონკურსი მუსიკოს-შემსრულებელთა საერთაშორისო კონკურსების ფედერაციის წევრია. ტარდება ოთხ წელიწადში ერთხელ. კონკურსის პროგრამა ითვალისწინებს გამარჯვებულების გამოსავლენად შესარჩევი და დასკვნითი ტურების ჩატარებას, ახალგაზრდა მუსიკოსებისათვის მასტერკლასებს. ჟიურის წევრებად მოწვეულნი არიან საერთაშორისო დონის მუსიკოსები.