პარტია "ერთიანი ნაციონალური მოძრაობის" წარმომადგენელმა შესაძლოა, უწყებათაშორისი კომისია დატოვოს. აღნიშნულის მიზეზი კომისიის დღევანდელ სხდომაზე საპარლამენტო უმრავლესობის წარმომადგენელ ირინა იმერლიშვილსა და უმცირესობის წევრ თინათინ ბოკუჩავას შორის მომხდარი გაუგებრობა გახდა.
ბოკუჩავას თქმით, უწყებათაშორისი კომისიის არსებული ფორმატი არაქმედუნარიანია, რადგან კომისია მის წინაშე არსებული ამოცანებისთვის სათანადო პასუხის გაცემას ვერ ახერხებს ხშირ შემთხვევაში, მწვავე საჩივრები რეაგირების გარეშე რჩება.
"ასეთ გარემოში ჩვენს მონაწილეობას აზრი ეკარგება და ნამდვილად განვიხილავტ იმას, რამდენად მიზანშეწონილია ის, რომ საერთოდ გავაგრძელოთ კომისიასთან თანამშრომლობა. ეს არის სამწუხარო, რადგან ჩვენს ინტერესში რა თქმა უნდა შედის ის, რომ ჩვენი პრობლემები გაჟღერდეს და ჩვენი საჩივრები განიხილონ. დღევანდელი მდგომარეობით ჩვენ ვფიქრობთ, რომ შეიძლება, ჩვენმა მონაწილეობამ აზრი დაკარგოს თუ ასე გაგრძლედება ამ კომისიის მუშაობა,"- განაცხადა თინათინ ბოკუჩავამ.
აღნიშნულ საკითხზე კომენტარი საპარლამენტო უმცირესობის წევრმა დავით დარჩიაშვილმაც გააკეთა და განმარტა, რომ უწყებათაშორისი კომისიის არსებული ფორმატი უუნაროა და შესაბამისად, "ნაციონალურმა მოძრაობამ" მის საქმიანობაზე პასუხისმგებლობა არ უნდა აიღოს.
"როდესაც კომისიას კოორდინირებას და რეალურად ხელმძღვანელობას უწევს ადამიანი, რომელიც მიუხედავად მისი პრაქტიკისა სტრასბურგში და მისი განათლებისა საფრანგეთში, ვერ ანსხვავებს საკუთარ პირად პოლიტიკურ გემოვნებას და თანამდეობას, რომელსაც ის იკავებს, შესაბამისად კომისია ისეთი უუნარო არმოჩნდება, როგორიც ის არის. ბუბერივია, რომ ასეთ დროს შეიძლება დასვა საკითხი - რატომ უნდა ვიყო მისი წევრი და რატომ უნდა ვიღებდე ამ ყველაფერზე პასუხისმგებლობას,"- განაცხადა დავით დარჩიაშვილმა.
საპარლამენტო უმცირესობის წარმომადგენლების ბრალდებებს უწყებათაშორისი კომისიის წარმომადგენელმა, პარლამენტის საპროცედურო და წესების საკითხთა თავმჯდომარემ ირინა იმერლიშვილმა უპასუხა და აღნიშნა, რომ მისთვის გაუგებარია თუ რას ეფუძნება თინატინ ბოკუჩავას და მისი თანაგუნდელების პრეტენზიები და რეალურად, "ნაციონალური მოძრაობა" მმართველი გუნდისათვის კონკურენციის გაწევას ვერ ახერხებს და პრეტენზიებიც სწორედ ამითაა გამოწვეული.
ამასთან, იმერლიშვილის განმარტებით, დეპუტატები რეალურად არ უნდა წარმოადგენენ უწყებათაშორისი კომისიის წევრებს, რადგან ეს არის კომისია, რომელშიც სამინისტროების წარმომადგენლები შედიან და არ არის სავალდებულო, კომისიის სხდომებს რომელიმე პოლიტიკური პარტიის წარმომადგენელი დეპუტეტები დაესწრონ.
"უბრალოდ, ქალბატონ წულუკიანს ვკითხე თუ რა ფორმატში ვიხილავდით და რას ვიხილავდით დღეს და რატომ ვისმნდით მეცხრეჯერ ამ ყველაფერს. ამ სიტყვა "ცხრიანმა" ძალიან გააღიზიანა ქალბატონი ბოკუჩავა. თქვა, რომ 9 წელზე ლაპარაკს ვეღარ მოვეშვით, თუმცა მე ამ დარღვევების მეცხრეჯერ მოსმენას ვგულისხმობდი და ჩვენ ყველაფერი დეტალებში გვაქვს გავლილი. წივილ-კივილი რა თქმა უნდა ჩემი სფერო არ არის და მე ასე არ ვსაუბრობ არასოდეს და არსად და არავისთან. რაც შეეხება დანარჩენს, "ნაციონალური მოძრაობა" თუ უბრალოდ შარზეა და ეშინიათ კონკურენციის და ამიტომ უნდათ დატოვონ მათ შორის ეს ფორმატიც, ნება მათია,"- განაცხადა ირინა იმერლიშვილმა.