კინოკომპანია 20-th Century Fox-ს გადაწყვეტილი აქვს, გადაიღოს ფილმი ბიბლიური მოსეს ბიოგრაფიაზე, მისი დაბადებიდან იუდეველების ეგვიპტიდან "ამოსვლამდე". ფილმის სცენარს ადამ კუპერი და ბილ კოლაჟი დაწერენ.
სავარაუდოდ, მოსეზე გადაღებული ფილმი ვიზუალურად ისევე იქნება გაფორმებული, როგორც "300 სპარტელი" და მასში იქნება "მამაცი გულის" ელემენტებიც.
ჯერჯერობით კინოკომპანია არ ახმაურებს რეჟისორისა და გადაღებების დაწყების თარიღს.
ჰოლივუდში მოსეზე ფილმი არაერთხელ გადაიღეს. ყველაზე ცნობილ ეკრანიზაციად კი მიჩნეულია სესილ დემილის "10 მცნება", რომელიც ეკრანებზე 1956 წელს გამოვიდა.
მთავარი როლი მასში ჩარლტონ ჰესტონმა შეასრულა. ფილმში ასევე მონაწილეობდნენ იულ ბრაინერი და ვინსენტ პრაისე.
