პარლამენტის თავმჯდომარე დავით უსუფაშვილი "ALDE"-ს წარმომადგენლებს - ფრანგ სენატორს, დენის ბადრეს და ბასკ პოლიტიკოსს, ხორხე მარია ეჩებარიას შეხვდა.
ევროპის დემოკრატიული ალიანსის დელეგატები დაინტერესდნენ ქვეყანაში არსებული ვითარებით.
შეხვედრაზე ხაზგასმით აღინიშნა ის ფაქტი, თუ რამდენად მნიშვნელოვანი და ფასეულია საქართველოს მომავლისათვის ევროპასთან ურთიერთობა და ევროპული ღირებულებების გათავისება, ერთიანი ევროპული ოჯახის წევრობა. ისაუბრეს ასევე მიმდინარე მოვლენებზე.
სტუმარების ინფორმაციით, ოქტომბრის ბოლოს პარიზში დაგეგმილია ევროპელი დემოკრატების კონგრესი და მათ ქართული მხარე ამ ფორუმზე ოფიციალურად მიიწვიეს.
პარლამენტის თავმჯდომარემ მადლობა გადაუხადა სტუმრებს მიწვევისთვის და იმედი გამოთქვა, რომ ევროპის ლიბერალ-დემოკრატებსა და საქართველოს შორის თანამშრომლობა და მეგობრობა მომავალშიც გაგრძელდება.
