ახალი საბაჟო ინფრასტრუქტურა საქართველოს ფინანსთა მინისტრმა ნოდარ ხადურმა და სსიპ შემოსავლების სამსახურის უფროსიმა ლაშა ხუციშვილმა გახსნეს. ცერემონიას ეკონომიკისა და მდგრადი განვითარების, რეგიონული განვითარებისა და ინფრასტრუქტრისა და სოფლის მეურნეობის მინისტრები: გიორგი კვირიკაშვილი, დავით ნარმანია და შალვა ფიფია, აგრეთვე, პრემიერ-მინისტრის სპეციალური წარმომადგენელი რუსეთთან ურთიერთობების საკითხებში ზურაბ აბაშიძე, პარლამენტის წევრები და დიპლომატიური კორპუსის წარმომადგენლები ესწრებიან.
"ძალიან მნიშვენლოვანია ამ საბაჟო-გამშვები პუნქტის გახსნა რუსეთ-საქართველოს საზღვარზე. ეს უდავოდ ხელს შეუწყობს ექსპორტის განვითარებას. საქართველო არ არის სატრანზიტო ქვეყანა მხოლოდ აღმოსავლეთიდან დასავლეთის მიმართულებით, საქართველო არის ჩრდილოეთ-სამხრეთ კორიდორი; "ყაზბეგი" არის სერიოზულუი პუნქტი ამ მიმართულებით და სამწუხაროდ, დღეს - ერთადერთი", - განაცხადა ხადურმა.
ფინანსთა სამინისტროს ინფორმაციით, ახალი საბაჟო გამშვები პუნქტის გახსნა თანხვედრაშია ქართული პროდუქციისთვის რუსეთის ბაზრის გახსნასა და ქვეყნის საექსპორტო საქონლის ზრდასთან, რაც სტიმულს აძლევს ჩვენი ქვეყნის ეკონომიკურ განვითარებას.
უწყების ინფორმაციით, საბაჟო გამშვები პუნქტის რეკონსტრუქციამდე დღეში მგზავრთა მაქსიმალური რაოდენობა 5000-სს არ აღემატებოდა, ამჟამად კი, ეს რიცხვი 13000-მდეა გაზრდილი. ფინანსთა სამინისტროში განმარტავენ, რომ საბაჟო გამშვები პუნქტი "ყაზბეგი" სრულად მზადაა, უპასუხოს იმ მოთხოვნებს, რომელიც ქვეყნის სავაჭრო-ეკონომიკური და ტურისტული შესაძლებლობების გააქტიურებისთვისაა საჭირო.
რუსეთ-საქართველოს საზღვარზე არსებული თანამედროვე სტანდარტებით აღჭურვილი ინფრასტრუქტურა ხელს შეუწყობს ქვეყნის სატრანზიტო პოტენციალისა და მგზავრთა ნაკადის გაზრდას, რაც სახელმწიფოსთვის დამატებითი შემოსავალი იქნება.
სამინისტროში აცხადებენ, რომ სარეკონსტრუქციო სამშენებლო სამუშაოებისა და საბაჟო გამშვები პუნქტის გამტარუნარიანობის გაზრდისთვის ბიუჯეტიდან 9 მლნ ლარზე მეტი დაიხარჯა და ახალ ინფრასტრუქტურაში შექმნილია ყველა პირობა იმისთვის, რომ მგზავრებმა მიიღონ კომფორტული და სწრაფი მომსახურება.
ხადურის უწყებაში განმარტავენ, რომ პროექტის ფარგლებში აშენდა დამატებითი B ბლოკი, რომელუც ძირითადად ქვეყნიდან გასულ მგზავრებს მოემსახურება. იმავდროულად, არსებულ ინფრასტრუქტურას სატვირთო მანქანების გატარებისთვის დაემატა ჯიხურები, გაჩნდა ახალი ზოლი არაგაბარიტული სატვირთო მანქანებისთვის და ასევე, გაიზარდა სასაწყობე ფართობები. მომსხაურების ხარისხის გაუმჯობესებისთვის გაკეთდა რეკრეაციული ზონები, მგზავრთა მოსასვენებელი, საკონფერენციო სივრცე, შენობაში მუშაობს დუტი ფრი და სხვა. რეალიბიტაციის ფარგლებში, 17 000 კვ.მ-ზე განახლდა და დაისხა ბეტონის 20 სმ-იანი საფარი. მიმდინარეობს სატვირთო მანქანების დასათვალიერებელი რამპისა და პარკინგიის მშნებლობა.