"იმ 18 თვის განმავლობაში, რაც რუსეთმა აფხაზეთის საქართველოსგან დამოუკიდებლიბა აღიარა, აფხაზეთი თავის მფარველზე, რუსეთზე სულ უფრო და უფრო დამოკიდებული ხდება", _ ნათქვამია აფხაზეთისადმი მიძღვნილ საერთაშორისო ანტიკრიზისული ჯგუფის ანგარიშში.
"აფხაზეთის საერთაშორისო სტატუსი დაურეგულირებელია", _ აცხადებს კავკასიის პროგრამის დირექტორი ლოურენს შიტსი: "ყველა სხვა ქვეყანა ოთხის გარდა, აფხაზეთს საქართველოს ნაწილად განიხილავს და აფხაზეთის დამოუკიდებლობის საერთაშორისოდ აღიარების არავითარი შანსი არ არსებობს".
ანგარიშში ასევე აღნიშნულია, რომ რუსეთმა სრულად უნდა შეასრულოს ცეცხლის შეწყვეტის შესახებ ხელმოწერილი შეთანხმების პირობები და შეამციროს თავისი სამხედრო ყოფნა იმ სახით რა სახითაც იგი ომამდე იყო.
დოკუმენტში ასევე აღნიშნულია, რომ პრობლემის გადასაჭრელად აფხაზეთმა და საქართველომ ყურადღება უნდა მიაქციონ ეკონომიკური და ჰუმანიტარული კავშირების გაღრმავებას და არა წინასწარ იურიდიულ პირობებს.
"და ყოველივე ეს წაადგება და სასიკეთოდ იმოქმედებს, როგორც ერთ მხარეზე ასევე მეორეზე ურთიერთშერიგების თვალსაზრისით. საქართველო ასევე ერთგლი უნდა დარჩეს თავისი ვალდებულებების და არ უნდა ეცადოს აფხაზეთის იზოლაციას",_ ნათქვამია ანგარიშში.
