საქართველოს პარლამენტმა 81 ხმით არც ერთის წინააღმდეგ სახალხო დამცველის ანგარიშთან დაკავშირებით დადგენილება მიიღო.
სახალხო დამცველის ანგარიშის საფუძველზე პარლამენტი კონკრეტული რეკომენდაციებით მიმართავს შინაგან საქმეთა, სასჯელაღსრულებისა და პრობაციის, ჯანდაცვის, ლტოლვილთა და იძულებით გადაადგილებულ პირთა სამინისტროებს, ადგილობრივ თვითმმართველობებსა და მთავარ პროკურატურას.
დადგენილებაში პარლამენტი მიმართვს მთავრობას - უზრუნველყოს სამინისტროების მიერ მითითებული რეკომენდაციების შესრულება.
დღევანდელი დადგენილებით პარლამენტმა ბოლო წლების ტრადიცია დაარღვია, როცა წინა პარლამენტებში ომბუდსმენის მიერ წარდგენილ დოკუმენტს ცნობად იღებდნენ.
