საქართველოს პრემიერ-მინისტრი ბიძინა ივანიშვილი პოლონეთის რესპუბლიკის ყოფილ პრემიერ-მინისტრს იაროსლავ კაჩინსკის შეხვდა.
შეხვედრას ასევე ესწრებოდნენ პოლონეთის რესპუბლიკის პარლამენტის წევრი მალგორძატა გოსიევსკა, ადამ ჰოფმანი, ევროპარლამენტის წევრები რიზარდ ზარნეცკი და ტომას პორება.
პრემიერის პრესსამსახურის ინფორმაციით, ბიძინა ივანიშვილმა იაროსლავ კაჩინსკის მადლობა გადაუხადა პოლონეთის მხრიდან საქართველოს ევროპულ და ევროატლანტიკური ინტეგრაციის, ასევე ქვეყნის სუვერენიტეტისა და ტერიტორიული მთლიანობის უანგარო მხარდამჭერისათვის.
