„მე ვისურვებდი, რომ ბიძინა ივანიშვილი გარკვეული ვადით პოლიტიკაში ისევ დარჩენილიყო"- აღნიშნულის შესახებ განცხადება დღეს მთავრობის სხდომის დასრულების შემდეგ ეკონომიკისა და მდგრადი განვითარების მინისტრმა გააკეთა, როგორც გიორგი კვირიკაშვილი განმარტავს, ეს არის ბიძინა ივანიშვილის გადაწყვეტილება და „უფრო უპრიანია, რომ ამ თემაზე კომენტარი მან თავად გააკეთოს".
კვირიკაშვილს ივანიშვილის შემცვლელის დასახელება ამ დროისათვის უჭირს, თუმც განმარტავს, რომ გუნდში ბევრი ღირსეული კანდიდატია.
ვერ გეტყვით ვინ დაიკავებს პრემიერ-მინისტრის პოსტს. არის ძალიან ბევრი კომპეტენტური ადამიანი ჩვენს გუნდში და შეიძლება ვიღაც დასახელდეს. შეიძლება ერთ-ერთი კანდიდატურა ჩემი კანდიდატურაც იყოს. კიდევ ერთხელ ვიმეორებ, რომ ჩვენს გუნდში არაერთი ღირსებული კანდიდატია.
