საქართველოს პრეზიდენტის განცხადებით, ოკუპანტისთვის ენის მოჩლექვა და ფეხების დაკოცნა საქართველოსთვის ღალატის ტოლფასია. როგორც პრეზიდენტმა ე.წ. საოკუპაციო ხაზთან ბოლო დროს განვითარებული პროცესების შეფასებისას განაცხადა რუსეთი თავისი გეგმის მიხედვით მოქმედებს და ცხადია მისი მხრიდან პროვოკაციები კვლავ გაგრძელდება.
,, ოკუპანტის ქმედებები გასაკვირი არ არის და ეს მოსალოდნელიც იყო. თუ ვინმეს ეგონა, რომ მე პუტინს შეურაცხყოფა მივაყენე, მე შენი ჭირიმე შენ გენაცვალეს გარდა არასოდეს მასთან სხვა ენით არ მილაპარაკია, მაგრამ ეს ხდებოდა ომამდე ომის შემდეგ ოკუპანტისთვის ენის მოჩლექვა და ფეხების დაკოცნა ეს არ არის ღირსეული საქციელი. ომამდე შესაძლებელია ვყოფილიყავი ზედმეტად დიპლომატიურები და ახლა ატრიალებენ კადრებს, რომ 2005 წელს სააკაშვილი კარგად ლაპარაკობს პუტინზე, რა თქმა უნდა, ვილაპარაკებდი, ამ დროს ომი ოფიცალურად არ ყოფილა. რა თქმა უნდა, რუსეთი საქართველოს წინააღმდეგ ყველაფერს ჩადიოდა, მაგრამ ეს მას ოფიციალურად არ განუცხადებია. თუმცა დღეს, როცა ოკუპანტზე ლაპარაკობ, რომ პუტინი არის კარგი კაცი, ქართველებისთვის სიკეთე უნდა და თვალებში ცრემლი ადგება, როცა საქართველოს ახსენებ, ან რაღაც მსგავსი, ეს ძალიან ჰგავს საქართველოს მრავალსაუკუნოვან ისტორიის იმ სამარცხვინო ნაწილს, რასაც ქართულ ენაზე ღალატი ჰქვია", _განაცხადა სააკაშვილმა, რომელმაც ყველას მოუწოდა თავი შორის დაიჭირონ ღალატისგან.