საქართველოს პრეზიდენტმა მიხეილ სააკაშვილმა პრემიერ-მინისტრს ბიძინა ივანიშვილს მოუწოდა ბრიყვულ გადაწყვეტილებას სტალინის ძეგლის აღდგენის თაობაზე გადახედოს. როგორც სააკაშვილმა განაცხადა 21-ე საუკუნეში სტალინის ძეგლის აღდგენა ანტისახელმწიფოებრივი ქმედებაა.
,, ჩვენ კარგად უნდა გვახსოვდეს ვინ იყო საქართველოსთვის იოსებ სტალინი. 1921 წელს სისხლისმსმელი ვლადიმერ ლენინიც კი წინააღმდეგი იყო საქართველოს დაპყრობის. იოსებ სტალინის დაჟინებული გადაწყვეტილებით მე-11 არმია შემოვიდა საქართველოში და წერტილი დაუსვა საქართველოს დამოუკიდებლობას", _განაცხადა სააკაშვილმა და აღნიშნა, რომ სტალინმა საქართველოს მიწები ჩამოართვა, რომელიც საბჭოთა რესპუბლიკებს გადასცა.
მისივე განმარტებით იოსებ სტალინმა ხელოვნურად შექმნა აფხაზეთისა და სამხრეთ ოსეთის ე.წ. ავტონომია და ის ნაღმები, ,,რომელიც საქართველოს აუფეთქდა დამოუკიდებლობის მოპოვებასთან ერთად". როგორც სააკაშვილმა განამარტა სტალინმა პოლონელ ოფიცრებთან ერთად დახვრიტა ქართველი ოფიცრები.
პრეზიდენტის განცხადებით, სტალინის ბრძანებით განადგურდა ქართველი ინტელიგენცია.
,,21-ე საუკუნეში სტალინის ძეგლის აღდგენა ეს არის ბარბაროსული და ანტიქართული აქტი. ანტიეროვნული, ანტისახელმწიფოებრივი ქმედება, რადგან ეს საქართველოს საერთაშორისო იზოლაციაში მოქცევს, რადგან მთელი დემოკრატიული საზოგადოების დასაცავები ვართ და დასაცინი არ გავხდეთ", _განაცხადა სააკაშვილმა.
