მთავრობამ კომპანია „სანატორიუმი-სასტუმრო ოაზისს" საინვესტიციო ვალდებულება გადაუვადა. როგორც სააგენტო „ჯი-ეიჩ-ენთან" საუბრისას ეკონომიკისა და მდგრადი განვითარების მინისტრმა გიორგი კვირიკაშვილმა განაცხადა, ჩაქვში სასტუმრო „ოაზისის" მიმდებარედ, „სანატორიუმი-სასტუმრო ოაზისმა" მიწა პირდაპირი მიყიდვის წესით შეიძინა და მას საწყისი 2,3 მლნ დოლარისა და შემდგომ 7 მლნ დოლარის ინვესტირება ევალებოდა. თუმც როგორც კვირიკაშვილი განმარტავს, კომპანიამ ვალდებულება დროულად ვერ შეასრულა, რადგანაც მიმდებარედ მცხოვრებ მოსახლეობასთან დავა ქონდა.
„ეს დავა მორიგებით დასრულდა. აქედან გამომდინარე ჩვენ უწყებათაშორის კომისიაზე განვიხილეთ ეს საკითხი და ინვესტორს ვალდებულების შესრულება, პირობით, გადავუავდეთ და ხელშეკრულების დარღვევისთვის პირგასამტეხლო ვაპატიეთ"- განაცხადა კვირიკაშვილმა.
