საქართველოს პრეზიდენტმა მიხეილ სააკაშვილმა პოლონეთის ყოფილ პრემიერს იაროსლავ კაჩინსკის ვანო მერაბიშვილის მონახულებსთვის მადლობა გადაუხადა. როგორც სააკაშვილმა კაჩინსკისთან შეხვედრის შემდეგ გამართულ ერთობლივ პრესკონფერენციაზე განაცხადა, პოლონეთის დელეგაციის საქართველოში ვიზიტი მნიშვნელოვანია.
პრეზიდენტმა პოლონეთის მხარეს მადლობა გადაუხადა მხარდაჭერისთვის.
,,ჩვენთვის ეს ვიზიტი არის მნიშვნელოვანი და მადლობელი ვარ იმისთვის, რომ ცოტა ხნის წინ პოლონეთის პარლამენტის საგარეო კომიტეტში გაიმართა მოსმენა საქართველოზე, მადლობელი ვარ იმისთვის, რომ არაერთი მხარდასაჭერი განცხადება გააკეთეს, მათ შორის იაროსლავ კაჩინსკიმ საქართველოს ოკუპაციის წინააღმდეგ ბოლო წლებში, ბოლო კვირეეებში. მადლობელი ვარ, რომ იაროსლავ კაჩინსკიმ მოინახულა საქართველოს ყოფილი პრემიერ-მინისტრი, ,,ნაციონალური მოძრაობის" გენერალური მდივანი ვანო მერაბიშვილი, რომელიც სრულიად უსამართლოდ და სუფთა პოლიტიკური მიზეზებით არის დაპატიმრებული და ამას წყალი არ გაუვა და ამას ყველა აღიარებს ვისაც ოდნავ მაინც ობიექტურობის განცდა შერჩენილი აქვს ქვეყნის შიგნით და ქყვეყნის გარეთ, მადლობელი ვარ რომ საქართველოს მეგობარმა მოინახულა იაროსლავ კაჩინსკიმ ვანო მერაბიშვილი საპატიმროში. დარწმუნებული ვარ, რომ სამართლიანობა იზეიმებს და უკანონობა და უსამართლობა შეწყდება", _განაცხადა მიხეილ სააკაშვილმა.