უშიშროების საბჭოს მდივანი გიგა ბოკერია პრემიერსა და ხელისუფლებას მოუწოდებს საქართველოს ქალაქებში სტალინის ძეგლი არ დააბრუნოს. როგორც ჟურნალისტებთან გიგა ბოკერიამ განაცხადა სტალინის ძეგლის დაბრუნება მისი ხსოვნის "განდიდება" იქნება, რაც ყველა რეპრესირებულის შეურაცხყოფაა.
"ცნობილი გახდა, რომ კულტურის სამინისტროში მიღებულია გადაწყვეტილება სტალინის ძეგლის დაბრუნებასთან დაკავშირებით. ვთვლი, რომ მილიონობით ადამიანის ჯალათის, მათ შორის საქართველოს დამოუკიდებლობის და თავისუფლების ჯალათის, ფაშიზმთან ერთად ბოროტების იმპერიის შემქმნელის, მე-20 საუკუნის მთავარი უბედურების და ბოროტების შემოქმედის ძეგლის დაბრუნება და მისი ხსოვნის "განდიდება" იქნება შეურაცხყოფა ჩვენი წარსულის ყველა რეპრესირებულის, ასევე იქნება დანაშაული ჩვენი მომავლის წინაშე და მინდა, პრემიერს და ახალ ხელისუფლებას მოვუწოდო, ეს გადაწყვეტილება შეცვალონ და ჯალათის ძეგლი ჩვენს ქალაქებში არ დააბრუნონ", - განაცხადა ბოკერიამ.