პოლონეთის ყოფილი პრემიერ-მინისტრი და საქართველოში ვიზიტით მყოფი პოლონეთის დელეგაციის ხელმძღვანელი, იაროსლავ კაჩინსკი "ნაციონალური მოძრაობის" " ლიდერებს შეხვდა. როგორც შეხვედრის დასრულების შემდეგ პარტიის ლიდერებმა განმარტეს შეხვედრაზე მხარეებმა საქართველო-პოლონეთს შორის არსებული ურთიერთობები და ბოლო დროს საქართველოში შექმნილ ვითარება განიხილეს.
,,განვიხილეთ ის შეცდომები, რომელსაც საქართველოს მთავარობა უშვებს საგარეო პოლიტიკაში და ის მცდარი გზა, რომელსაც ადგას. ჩვენ ასევე განვიხილეთ შიდა პოლიტიკური ურთიერთობა და ვიმსჯელეთ როგორ უნდა მოხდეს საქართველოს დემოკრატიის უკუსვლის შეჩერება", _განაცხადა ჟურნალისტებთან ,,ნაციონალური მოძრაობის" ერთ-ერთმა ლიდერმა გიორგი კანდელაკმა.
შეგახსენებთ, რომ იაროსლავ კაჩინსკი ვიზიტის ფარგლებში შეხვდება საქართველოს პრეზიდენტსა და პრემიერ-მინისტრს. მათ შორის ის საპყრობილეში მონახულებს ,,ნაციონალური მოძრაობის" გენერალურ მდივანს ვანო მერაბიშვილს.
