18 ივლისს გამოვლინდნენ MOF-2013-ის ფინალისტები: პირველი ფინალისტი შემოსავლების სამსახურის ცენტრალური აპარატის გუნდია, რომელმაც ანგარიშით 6 - 1 სძლია ფინანსთა სამინისტროს ცენტრალური აპარატის გუნდს.
მეორე ფინალისტია შემოსავლების სამსახურის მონიტორინგის დეპარტამენტის გუნდი, რომელმაც ანგარიშით 2 - 0 დაამარცხა შემოსავლების სამსახურის საბაჟო დეპარტამენტის გუნდი.
ბომბარდირთა დავაში პირველი სამეული გამოიყურება შემდეგნაირად: 9 ბურთით ლიდერობს შემოსავლების სამსახურის ცენტრალური აპარატის გუნდის ფეხბურთელი ირაკლი მიქელაძე, რომელსაც 8 ბურთით მისდევს მისი თანაგუნდელი ლევან ჩარგაზია და 6 ბურთით შემოსავლების სამსახურის მონიტორინგის დეპარტამენტის გუნდის ფეხბურთელი დავით მეკოკიშვილი.
ფინალი გაიმართება დღეს, 19 ივლისს, 21:00 საათზე
გამარჯვებულ გუნდს საქართველოს ფინანსთა მინისტრი ნოდარ ხადური გადასცემს გარდამავალ თასს. დაჯილდოვდებიან საუკეთესო მეკარე, ბომბარდირი და მოთამაშე. მედლები ასევე გადაეცემათ 1-2 ადგილის მფლობელებს. ტურნირის ყველა მონაწილე მიიღებს სამახსოვრო სიგელებს.
