დავით დარახველიძემ არასამთავრობო და დონორი ორგანიზაციების წარმომადგენლებთან მორიგი სამუშაო შეხვედრა გამართა. შეხვედრის მიზანი იყო არასამთავრობო სექტორსთვის იმ სიახლეების გაცნობა, რაც სამინისტროს დაგეგმილი აქვს იძულებით გადაადგილებულებთან დაკავშირებით.
საუბარი ძირითადად შეეხო დევნილთა შესახებ კანონპროექტს, რა ეტაპზეა კანონპროექტის პარლამენტში განხილვის საკითხი და როდის იქცევა კანონპროექტი კანონად. ასევე განიხილეს დევნილთა ხელახალ რეგისტრაციასთან დაკავშირებული საკითხები. არასამთავრობო სექტორო ასევე დაინტერესდა, დევნლთა განსახლების კრიტერიუმები მიიღებს თუ არა ნორმატიული აქტის სახეს.
მინისტრმა დავით დარახველიძემ არასამთავრობო სექტორის ყველა კითხვას უპასუხა და აღნიშნა, რომ მსგავსი შეხვედრები გაგრძლდება: „შეხვედრა მიმდინარეობდა კითხვა-პასუხის რეჟიმში. კმაყოფილი ვარ იმით, რომ არასამთავრობო ორგანიზაციები ინტენსიურად ინტერესდებიან სამინისტროს აქტიურობებით და გვაწვდიან რეკომენდაციებს, მოსაზრებებს და შენიშვნებს სხვადასხვა მიმართულებებით. აღნიშნული ჩვენთვის მნიშვნელოვანია იმ თვალსაზრისით, რომ რამე შეცდომა არ გაგვეპაროს და ვითანამშრომლოთ".
არასამთავრობო სექტორის წარმომადგენელთა თქმით კი მსგავსი შეხვედრები მნიშვნელოვანი და აუცილებელია და ის ხელს უწყობს თანამშროლობას და პროცესების გამჭვირვალედ წარმართვას. „არასამთავრობო ორგანიზაციების მინისტრთან შეხვედრის ინიციატივა არასამთავრობო ორგანიზაციებიდან მოდიოდა, რომელსაც მინისტრი დათანხმდა. დავით დარახველიძემ გაგვაცნო ის სიახლეები, რაც დაგეგმილი აქვს სამინისტროს დევნილთა მიმართ. კარგი იქნება, მსგავსი შეხვედრები გაგრძლდეს, რადგან ჩვენ ინფორმაციას უშუალოდ პირველი პირისგან ვიგებთ და ვთანამშრომლობთ, რაც ძალიან სასარგებლოა ორივე მ,ხარისთვის და დევნილევბისთვოს" - აღნიშნა „ახალგაზრდა იურისტთა ასოციაციის" იურისტმა ნონა ქურდოვანიძემ.
მასალის გამოყენების პირობები