ავჭალის დასახლების სოფელ მებაღეობის მცხოვრებლებმა ბუნებრივი აირის მიწოდების მოთხოვნით თბილისის შემოვლითი გზა გადაკეტეს.
მათი ინფორმაციით, თითქმის, ერთი წელია, რაც გამრიცხველიანება და გაზის მილების მონტაჟი დასრულდა, მაგრამ ბუნებრივი აირი მაინც ამ დრომდე არ მიეწოდებათ.
სოფელ მებაღეობის მცხოვრებლები ენერგეტიკის მინისტრისგან ადეკვატურ რეაგირებას მოითხოვენ.
აქციის მონაწილეების განცხადებით, მათ ასევე არ მიეწოდებათ წყალი, მოუწესრიგებელია საკანალიზაციო სისტემა და არ აქვთ გარე განათება.
მათივე განმარტებით, აქციებს მანამდე არ შეწყვეტენ, სანამ ხელისუფლება მათ პრობლემას არ მოაგვარებს.