"ნაციონალური მოძრაობა" 31 აგვისტოდან 4 სექტემბრის ბათუმში ჩათვლით დაგეგმილ „ბათუმელობის" დღესასწაულზე მიწვეულ სტუმართა სიას აპროტესტებს. ბათუმის საკრებულოს ფრაქცია "ერთიანი ნაციონალური მოძრაობის" თავმჯდომარის ნოდარ დუმბაძის განმარტებით, „ბათუმელობაზე" მოწვეულ სტუმართა შორის პირველ ნომრად გიორგი ასლანის ძე აბაშიძეა მოხსენიებული, ხოლო საორგანიზაციო კომიტეტში ვერ მოხვდენენ საკრებულოს უმცირესობის წამომადგენლები.
დღესვე „ნაციონალური მოძრაობის" ფრაქციის თავმჯდომარეს საკრებულოს თავმჯდომარემ, ირაკლი ჩავლეიშვილმა უპასუხა.
„საორგანიზაიო კომიტეტი კომპეტენტურობის მიხედვით დაკომპლექტდა და არა პარტიული ნიშნით, რაც შეეხება მოსაწვევ სტუმართა შემადგენლობას საბოლოოდ არ არის დახვეწილი და მე არ ვიცი რა სია აქვს ნოდარ დუმბაძეს, როცა სია საბოლოო სახეს მიიღებს, ის წარედგინება შესაბამის კომისიას. დღესასწაულზე მოვიწვევთ იმ ადამიანებს, რომლებსაც დიდი დამსახურება აქვთ ამ ქალაქის წინაშე და რომლებიც საქართველოს ფარგლებს გარეთ იმყოფებიან. ცხრა წლის განმავლობაში ნაცმოძრაობას ჰქონდა საშუალება, "ბათუმობა" ისე ჩაეტარებინა, რომ ამ ღონისძიებას არ ქონოდა წინასაარჩევნო კამპანიის სახე, როგორც ეს გასულ წელს მოხდა. სახალხო დრესასწაულზე გიორგი აბაშიძის მოწვევას, კი აბსურდული განცხადება უწოდა"- განაცხადა ჩავლეიშვილმა.
შეგახსენებთ, რომ სახალხო დღესასწაული „ბათუმი და ბათუმელები" მიმდინარე წლის 31 აგვისტოდან 4 სექტემბრის ჩათვლით გაიმართება და ბათუმის თვითმმართველ ქალაქად გამოცხადების 135 წლის იუბილეს მიეძღვნება, რომლის ფარგლებშიც არაერთი კულტურული ღონისძიების განხორციელება იგეგმება.
