2013 წლის I ნახევარში საგადასახადო ორგანოს ან აღსრულების ეროვნული ბიუროს უფლებამოსილი პირისთვის წინააღმდეგობის გაწევის 38 შემთხვევა დაფიქსირდა (ანალოგიური სამართალდარღვევა 2012 წელის I-II კვარტალის მონაცემების მიხედვით - 5 შემთხვევა)
შემოსავლების სამსახურში განმარტავენ, რომ საგადასახადო ორგანოს ან აღსრულების ეროვნული ბიუროს უფლებამოსილი პირისთვის წინააღმდეგობის გაწევა, მისი კანონიერი მოთხოვნის უგულებელყოფა, რამაც შეაფერხა საქართველოს საგადასახადო კანონმედელობით გათვალისწინებული ღონისძიების განხორციელება - 38 შემთხვევა. (ანალოგიური სამართალდარღვევა 2012 წელის I-II კვარტალის მონაცემების მიხედვით - 5 შემთხვევა). ამავე მუხლის პირველი ნაწილით განსაზღვრული ქმედება ჩადენილი განმეორებით 2012-2013 წლის I-II კვარტალის მონაცემების მიხედვით არ ფიქსირდება.
აღსანიშნავია, რომ შარშან, შესაბამის პერიოდში მხოლოდ 718 მსგავსი სამართალდარღვევა დაფიქსირდა, რაც მიმდინარე წლის მონაცემებზე 1 620 შემთვევით ნაკლებია.
2013 წლის პირველ ნახევარში, ასევე მკვეთრად გამოიკვეთა საბაჟო საზღვარზე სხვა ტიპის კანონდარღვევათა გამოვლენის ზრდის ტენდენცია. კერძოდ, მიმდინარე წლის ორ კვარტალში საქართველოს საბაჟო საზღვარზე ძვირფასი ლითონების უკანონო შემოტანის მცდელობის 71 ფაქტი აღიკვეთა, მაშინ, როდესაც შარშან, შესაბამის პერიოდში, სულ 12 ანალოგიური შემთხვევაა გამოვლენილი. ასეთივე მკაფიოა კანონდარღვევათა აღკვეთის ზრდის ტენდენცია საზღვარზე იარაღის უკანონო შემოტანის სტატისტიკის მიხედვით. შარშან, პირველი ორი კვარტალის განმავლობაში, საბაჟო საზღვარზე იარაღის უკანონო შემოტანის მხოლოდ ერთი შემთხვევა გამოვლინდა, მიმდინარე წელს კი უკვე 18 ასეთი კანონდარღვევაა აღკვეთილი.
განსაკუთრებით აღსანიშნავია საქართველოს საბაჟო საზღვარზე ისეთი საქონლის შემოტანის მცდელობათა აღკვეთა, რომელიც ფიტო-ვეტერინარულ ნებართვას ექვემდებარება. წელს, ქვეყანაში გამოვლენილია საკვები პროდუქტების შესაბამისი ფიტო-ვეტერინარული ნებართვის გარეშე შემოტანის 40 მცდელობა, რაც ზუსტად 40-ჯერ აღემატება შარშანდელ შესაბამის მაჩვენებელს.
რაც შეეხება საქართველოს სისხლის სამართლის კოდექსით გათვალისწინებულ სამართალდარღვევებს, რომლებიც 2013 წლის I-II კვარტალის მიხედვით 60 შემთხვევას წარმოადგენს (ანალოგიური სამართალდარღვევა 2012 წელის I-II კვარტალის მონაცემების მიხედვით - 22 შემთხვევა დაფიქსირდა) შემდგომი რეაგირებისთვსის შესაბამის სტრუქტურებს გადაეცა.