ტვერის რაიონულმა სასამართლომ მოსკოვის საგამოძიებო იზოლატორში გაურკვეველ ვითარებაში გარდაცვლილი ფონდ „Hermitage Capital"-ის იურისტი სერგეი მაგნიტსკის რეაბილიტაციისათვის საკმარისი საფუძველი ვერ ნახა და გარდაცვლილი და ფონდის ხელმძღვანელი უილიამ ბრაუდერი ბრალდებულებად გადასახადების გადაუხდელობაში აღიარა.
საზღვარგარეთ მყოფ ბრაუდერს დაუსწრებლად ცხრა წლით თავისუფლების აღკვეთა მიესაჯა. სერგეი მაგნიტსკი წინააღმდეგ აღძრული სისხლის სამართლის საქმე მის გარდაცვალებასთან დაკავშირებით შეწყდა.
„სასამართლო და განაჩენი ჩემსა და სერგეის მიმართ ამტკიცებს, რომ პუტინი განაგრძობს სასამართლოების გამოყენებას იმისათვის რათა მან თავისი ეკონომიკური დანაშაულები დამალოს", _ განაცხადა სასამართლოს განაჩენის კომენტირებისას ბრაუდერმა.
პირველად, საბჭოთა და რუსეთის ფედერაციაში სასამართლოს პროცესი აი უკვე გარდაცლილ ადამიანთან მიმართებაში წარიმართა - ბრალდებულის ადგილი თავისუფალი იყო.
შეგახსენებთ, რომ ფონდ "Hermitage Capital Management"-ის თანამშრომელი სერგეი მაგნიტსკი 2009 წელს მოსკოვის საგამოძიებო იზოლატორში გარდაცვალა.
აშშ-ის კონგრესმენებმა შეადგინეს ე.წ. "მაგნიტსკის სია" რომელიც იმ რუსი ჩინოვნიკების მიმართ სანქციების დაწესებას ითვალისწინებს, რომლებიც ფიგურირებენ და სავარაუდოდ თანამონაწილენი არიან სერგეი მაგნიტსკის გარდაცვალებისა.
სიაში შეტანილია ყველა რუსული ძალოვანი უწყების წარმომადგენელი: "ეფ-ეს-ბეს", შს სამინისტროს, ფედერალური სასჯელაღსრულების დაწესებულების, ფედერალური საგადასახადო სამსახურის, გენპროკურატურის ასევე საარბიტრაჟო სასამართლოების წარმომადგენლები, რომლებსაც კავშირი აქვთ მაგნიტსკის გარდაცვალებასთან.
გავრცელებული ინფორმაციით, მაღალჩინოსანთა ამ სიას რუსეთის შს სამინისტროს საგამოძიებო კომიტეტის ხელმძღვანელი ალექსეი ანიჩინი უდგას სათავეში, რომელის რუსეთის პრეზიდენტის ბრძანებულებით, გასული წლის იანვარში რუსეთის შს მინისტრის მოადგილედ დაინიშნა. ანიჩინი რუსეთის შს სამინისტროს საგამოძიებო კომიტეტის ხელმძღვანელი 2006 წელს გახდა, მაშინ ქვეყნის პრეზიდენტი ვლადიმერ პუტინი იყო, რომელთანაც ერთად ანიჩინი სანკტ-პეტერბურგის სახელმწიფო უნივერსიტეტის იურიდიულ ფაკულტეტზე სწავლობდა.
სენატორ კარდინის სიაში ასევე არიან: რუსეთის გენერალური პროკურორის მოადგილე ვიქტორ გრინი და რუსეთის "ეფ-ეს-ბეს" ეკონომიკური უსაფრთხოების დეპარტამენტის თავმჯდომარის მოადგილე ვიქტორ ვორონინი. ამას გარდა, სიაში ასევე არიან რუსეთის შს სამინისტროს საგამოძიებო სამმართველოს მაღალჩინოსანი, პოდპოლკოვნიკი, შს სამინისტროს ეკონომიკური უსაფრთხოების დეპარტამენტის თანამშრომელი არტემ კუზნეცოვი. სწორედ მას ჰქონდა წარმოებაში მაგნიტსკის საქმე. სწორედ მას ადანაშაულებდა მაგნიტსკი ბიუჯეტიდან თანხების დატაცებაში. სიაში ასევე ფიგურირებს მაიორი პაველ კარპოვი, რომელიც რუსეთის შს სამინისტროს საგამოძიებო კომიტეტში მუშაობს. მის წინააღმდეგ ჩვენება "Hermitage Capital Management"-ის იურისტსაც აქვს მიცემული.
როგორც ცნობილია, იურისტმა სერგეი მაგნიტსკიმ, რუსეთის შსს-ს მაღალჩინოსნების წინააღმდეგ, მნიშვნელოვანი დოკუმენტები მოიპოვა, სადაც ის ჩინოვნიკების კორუფციულ საქმიანობას ამხელდა. თუმცა, მაგნიტსკი თავად დააპატიმრეს, რის შემდეგაც იგი საკანში, გაურკვეველ ვითარებაში გარდაიცვალა. დასავლეთმა რუსეთის ხელისუფლება იურისტის მკვლელობაში დაადანაშაულა და რუსი ჩინოვნიკების წინააღმდეგ სანქციები დააწესა.
