9-10 ივლისს, „სადახლოს" საბაჟო გამშვებ პუნქტზე, შემოსავლების სამსახურის საბაჟო დეპარტამენტის თანამშრომლებმა სომხეთიდან არადეკლარირებული ოქროს ნივთების შემოსვლის 2 ფაქტი გამოავლინეს. კერძოდ, სომხეთის მოქალაქე ლუსინე კ-ს ფიზიკური დათვალიერებისას არადეკლარირებული საქონელი: ოქროს ბეჭედი-8 ც, ოქროს სამაჯური-3 ც, ოქროს ყელსაბამი-1 ც, ოქროს კულონი -2ც, ოქროს საყურე- 4წყვილი, საერთო წონით 123.77 გრ აღმოაჩნდა. ექსპერტიზის დასკვნის საფუძველზე არადეკლარირებული საქონლის სატარიფო ღირებულებამ 4826,01 ლარი შეადგენა. შესაბამისად, საგადასახადო კოდექსის თანახმად, 289 მუხლის მე-10 ნაწილის საფუძველზე ლუსინე კ-ს დაეკისრა ჯარიმა 4826,01 ლარის ოდენობით. არადეკლარირებული ოქროს ნივთების საბაჟო პროცედურების გვერდის ავლით ქვეყანაში შემოტანა სომხეთის კიდევ ერთმა მოქალაქემ, ანა ბ-მ სცადა. მას ბეჭედი-3ც, საყურე-4 წყვილი, ცეპი-2ც, ჯვარი-3ც, სამაჯური-4ც, მედალიონი - 1ც, ასევე ვერცხლის ნაკეთობები ბეჭედი - 4ც, ცეპი - 1ც, მედალიონი - 3ც. საერთო წონით - 90,6 გრ. აღმოაჩნდა. თბილისის აეროპორტის ექსპერტიზის განყოფილების დასკვნით არადეკლარირებული საქონლის სატარიფო ღირებულება 2537,6 ლარია. საგადასახადო კოდექსის 289 მუხლის მე-14 ნაწილის თანახმად, მოქალაქეს სანქციის სახით დაეკისრა ჯარიმა 1000 ლარი. ჯარიმის გადახდის შემდეგ ანა ბ-ს გადაეცა კუთვნილი ნივთები, რომელიც მან რუსეთში გაიტანა.