ქუთაისის მერს იმპიჩმენტი აღარ ემუქრება, - ამის შესახებ ქუთაისის საკრებულოს ფრაქცია "საქართველოს პატრიოტთა ალიანსის" წარმომადგენლებმა და პარტიის რაიონული ორგანზიაციის თავმჯდომარემ დღეს ჟურნალისტებისათვის სპეციალუარდ გამართულ ბრიფინგზე განაცხადეს. მათი განმარტებით ქალაქის მერი მიხვდა იმ პრობლემებს, რომელიც ქუთაისის მერიაში არსებობს და იმედოვნებენ, რომ კოპალიანი ამ პრობლემებს უახლოეს დღეებში მოაგვარებს.
„ორი დღის წინ ქუთაისში „პატრიოტებმა" განვაცხადეთ, რომ ქალაქის მერიის მუშაობა პარალიზებული იყო. დღეს კი ჩვენ მოვისმინეთ მერის განცხადება, სადაც ის ადასტურებს, რომ არის რიგი პრობლემები ქალაქში და მერიაში. ამით ჩვენ გვინდა განვაცხადოთ, რომ მერი პრობლემური საკითხებით დაინტერესდა, რაც მისასალმებელია",- ამბობს "პატრიოტების" იმერეთის ორგანიზაციის თავმჯდომარე გოჩა თევდორაძე.
ცნობისთვის, ქუთაისის მერს ქალაქის საკრებულოს ფრაქცია"საქართველოს პატრიოტთა ალიანსის" წარმომადგენლები არასრულყოფილი მუშაობისათვის იმპიჩმენტით ემუქრებოდნენ.
