,,ჩემთვის აღმაშფოთებელი იყო, როცა სააკაშვილმა საპრეზიდენტო არჩევნების დღედ ხუთშაბათი დანიშნა", _განაცხადა ჟურნალისტებთან შეხვედრისას ბიძინა ივანიშვილმა.
მისივე განცხადებით, მიხეილ სააკაშვილმა ამ ქმედებით კიდევ ერთხელ დაადასტურა, რომ მხოლოდ საკუთარ თავზე ფიქრობს და არ აინტერესებს ქვეყანა და ქართველი ხალხი.
,,მიხეილ სააკაშვილმა თავისი იმპულსურობა მაშინაც აჩვენა, როცა არჩევნების დღედ ჯერ 27 ოქტომბერი გამოცხადა, შემდეგ 31 ოქტომბერი. ამით მან პირველ რიგში შეურაცხყოფა მიაყენა, საკუთარ პარტიას_ ,,ნაციონალურ მოძრაობას", საკუთარ პიროვნებას, რა თქმა უნდა, ქვეყანას როგორ მოექცა ეს ცალკე თემაა. არჩევნების დღედ ხუთშაბათი დანიშნა და აქ ეჭვებია, რომ იურიდიულად გამართლებული არა არის საპრეზიდენტო არჩევნების ამ დღეს დანიშვნა, ეს ცალკე თემაა და მე ამაზე არ გავჩერდები, მაგრამ თვითონ ის ფაქტი, რომ ხუთშაბათი , თვის ბოლო დღე დანიშნა საპრეზიდენტო არჩევნების დღედ, გასაგებია, ბოლო დღე მას აინტერესებდა მხოლოდ, რომ გაიხანგრძლივოს საპრეზიდენტო ვადა, გარდა ამისა ამ კაცმა აჩვენა თუნდაც ამ ერთ ქცევაში მთლიანად მისი დამოკიდებულება ჩვენი ქვეყნისადმი, მისი პატივისცემა მოვლენებისადმი, მისი დამოკიდებულება სირთულეებისადმი. მან საპარლამენტოა არჩენების დროს მოახერხა უარი ეთქვა ჩვენი ემიგრანტებისთვის არჩევნებში მონაწილეობაზე, ახლა მილიონ 20 000 -ზე მეტი ემიგრანტი გვყავს გარეთ და როგორ მოახერხებენ ისინი არჩევნებში მონაწილეობას? არაფერს არ უყურებს ეს კაცი და ამ ქცევით კარგად აჩვენა, რომ პირადულის გარდა არაფერს ანგარიშს არ უწევს", _ განაცხადა ივანიშვილმა.
