იუსტიციის მინისტრის ინიციატივით დაწყებული აქცია - „უფასო პირადობის მოწმობები დევნილებს", 23 ივნისს დასრულდა. მისი შედეგები თეა წულუკიანმა სპეციალურ ბრიფინგზე 25 ივნისს შეაჯამა.
სერვისების განვითარების სააგენტოს ოფიციალური სტატისტიკის თანახმად, 25 მაისიდან 23 ივნისის ჩათვლით, ახალი პირადობის მოწმობა 65 000-მდე იძულებით გადაადგილებულმა პირმა აიღო. მათგან პირადობის დამადასტურებელი ყველაზე მეტი მოწმობა თბილისის იუსტიციის სახლმა გასცა. დევნილთა მაღალი აქტიურობით გამოირჩეოდა ზუგდიდიც. იუსტიციის მინისტრის ინიციატივით დაწყებული აქციის ფარგლებში ზუგდიდის იუსტიციის სახლმა უფასოდ 7 552 დოკუმენტი გასცა.
