აჭარა ციტრუსის სეზონისთვის ემზადება. როგორც დღეს აჭარის მთავრობის ხელმძღვანელმა არჩილ ხაბაძემ განაცხადა, სეზონის დაწყებამდე დაახლობით 140 დღეა დარჩენილი და მთავრობა მაქსიმალურად უნდა შეეცადოს, რომ ამ პროცესს მზად დახვდეს. არჩილ ხაბაძის განმარტებით, მთავრობა ინვესტორს სპეციალურ პავილიონებს შესთავაზებს, სადაც ადრე ციტრუსის მიმღები პუნქტები იყო განთავსებული. ხაბაძის განმარტებით, აჭარის მთავრობა ინვესტორების დახმარებით ეცდება, რომ სეზონის დაწყებამდე რეგიონში დამატებით 30-მდე ციტრუსის ჩამბარებელი პუნქტი გაჩნდეს. ამისათვის კი აჭარის ფინანსთა და ეკონომიკის სამინისტრო ბიზნესმენებს სიმბოლურ ფასად, 1 ლარად ამ პავილიონებს შესთავაზებს, სადაც შემდგომ მოხდება ინვესტირება და სეზონის დაწყებამდე ციტრუსის ჩამბარებელი პუნქტები გაიხსნება. ხაბაძის განმარტებით, 1 პავილიონის მოწყობას დაახლოებით 100 დოლარი დაჭირდება.
