თბილისის მერიის ინიციატივით, რუსთაველის გამზირზე 2012 წელს ხანძრის შედეგად დამწვარი სახლის აღდგენითი სამუშაოები მიმდინარეობს. სამ სართულიანი ნაგებობა, რომელიც ხანძარმა დააზიანა თავიდან აშენდა, სრულად შენარჩუნდა ძველი დაგეგმარება და შიდა ეზო. ფასადი 19-ე საუკუნის თბილისური სახლებისთვის დამახასიათებელი დეტალებისა და არქტექტურის მიხედვით გაკეთდება.
აღნიშნულ მისამართზე მცხოვრები 27 ოჯახი ხანძრის შემდეგ, თბილისის განვითარების ფონდმა, რომელიც სახლის სარეაბილიტაციო სამუშაოებს ახორცელიელებს ქირით გაიყვანა. სარეაბილიტაციო სამუშაოები მიმდინარე წლის ბოლოს დასრულდება.
თბილისის მერმა გიგი უგულავამ დღეს რუსთაველის 23-ში მიმდინარე სამუშაოები დაათვალიერა და ადგილობრივ მოსახლეობას გაესაუბრა.
გიგი უგულავა: შარშან ზაფხულში ეს შენობა დაიწვა, იყო უბედური შემთხვევა, რომელსაც 2 ადამიანი ემსხვერპლა და 27 ოჯახი დარჩა ღია ცის ქვეშ. ჩვენ ფონდის საშუალებით გავიყვანეთ ქირით და დაიწყო სარეკონსტრუქციო სამუშაოები, პრაქტიკულად ახალი შენობა შენდება, იმიტომ რომ არსებულის გადარჩენა შეუძლებელი იყო. ჩვენ შევეცადეთ არქიტექტურულადაც ამ უბნის დამახასიათებელი არქიტექურა შეგვექმნა, ბუნებრივია ბინებიც გაცილებით უკეთესი იქნება.
თბილისის მერმა ერთი წლის წინ რუსთაველის გამზირზე ხანძრის შედეგად დამწვარი სახლის სამშენებლო სამუშაოები დაათვალიერა
