იპოთეკით დაზარალებული ადამიანები პარლამენტის შესასვლელთან საპროტესტო აქციას მართავენ, ისინი ადამიანის უფლებათა დაცვის კომიტეტის თავმჯდომარე ეკა ბესელიასთან და საფინანსო საბიუჯეტო კომიტეტის თავმჯდომარე დავით ონოფრიშვილთან ითხოვენ შხვედრას. იპოთეკარების თქმით, ისინი სახელმწიფოსგან დაბალი გრძელვადიანი სესხების გაცემას მოითხოვენ, რათა შეაჩერონ მათი საცხორვებელი სახლებიდან გამოსახლება და მოხდეს ბანკში აღებული ვალების გასტუმრება.
„საქართველოში რამდენიმე ათეულ ათას ოჯახს უახლოეს დღეებში საკუთარი სახლებიდან გამოსახლება გვემუქრება. მოვითხოვთ სახელმწიფომ შეიმუშაოს საკანონმდებლო ინიციატივა, რომლის მიხედვითაც მოხდება დაბალპროცენტიანი გრძელვადიანი სესხების გაცემა. რითაც ჩვენ შევძლებთ იპოთეკაში ჩადებული საცხოვრებელი სახლების დახსნას", განაცხადა აქციის ერთ-ერთმა მონაწილემ დარეჯან სულაბერიძემ.
იპოთეკარების აქციას პარტია "თავისუფალი საქართველოს" იმერეთის ორგანიზაციის წარმომადგენლები შეუერთდნენ, რომლებმაც განაცხადეს, რომ თუ იპოთეკარების მოთხოვნებს ხელისუფლება არ დააკმაყოფილებს, ისინი პარლამენტთან პერმანენტულ აქციებს გამართავენ.
