"ჩვენც ვარსებობთ"- ამ სახელწოდებით აქცია შეზღუდული შესაძლებლობების მქონე ბავშვების მშობლებმა მთავრობის კანცელარიასთან გამართეს. კანცელარიის წინ შეკრებილმა მშობლებმა მათთვის გამოყოფილი ყოველთვიური პენსიის 150 ლარამდე გაზრდის მოითხოვნით პრემიერ-მინისტრის სახელზე განცხადება ჩააბარეს.
მშობლების თქმით, 70-ლარიანი დახმარება ბავშვებისთვის აუცილებელი პირობების შექმნასა და მედიკამენტებს ვერ ანაზღაურებს.
"მშობელთა თანადგომისა და გაძლიერების ცენტრის" წევრების განცხადებით, 18 წლამდე ასაკის ბავშვებში ინვალიდობის ჯგუფების განსაზღვრა არ ხდება, შესაბამისად, სექტემრიდან პირველი ჯგუფის ინვალიდებისთვის 150-ლარიანი პენსიის დანიშვნა მათ არ შეეხებათ.
კანცელარიასთან შეკრებილ მშობლებს საპარლამენტო უმრავლესობის წევრი ვიქტორ დოლიძე შეხვდა და აღნიშნული საკითხის გადახედვას დაჰპირდა.