თბილისის მერიასთან დაახლოებით 30-მდე სოციალურად დაუცველის საპროტესტო აქცია მიმდინარეობს.
მათი მთავარი მოთხოვნაა, მოხდეს, უსახლკარო სოციალურად დაუცველების საცხოვრებელი ფართებით უზრუნველყოფა წინააღმდეგ შემთხვევაში, თბილისის მერის, გიგი უგულავას გადადგომას მოითხოვენ.
სოციალურად დაუცველები ამავე დროს აპროტესტებენ შვეიცარიის განვითარების სააგენტოსა და თბილისის მერიის ერთობლივ პროექტს, რომლის მიხედვით ოცამდე სოციალურად დაუცველს საცხოვრებელი ბინა უნდა გადაეცეს.
მათი თქმით, მერიამ და შვეიცარიის სააგენტომ გასაზღვრეს კრიტერიუმები და მათი უმრავლესობა ამ კრიტერიუმებში ვერ ჯდება. სოციალურად დაუცველები დადგენილი კრიტერიუმების გადახედვას მოითხოვენ.
