ქუთაისში პარლამენტის წინ ქალაქში მოქმედი ადვოკატები საპროტესტო აქციას მართავენ. ისინი პარლამენტის მიერ მიღებულ კანონპროექტს აპროტესტებენ, რომლის მიხედვითაც ადვოკატებს უფლებები შეუმცირდათ. ადვოკატთა ასოციაციის ხელძღვანელის ზაზა ხატიაშვილის თქმით, თუ აღნიშნულ 111-ე მუხლში ცვლილებები არ შევა, ადვოკატები პარლამენტის წინ შიმშილობას დაიწყებენ.
„აღნიშნულ საკანონმდებლო ინიციატივით ადვოკატებს ჩამოგვართვეს ჩხრეკისა და ამოღების უფლება. თუ პარლამენტი ჩვენს მიერ გაცემულ შენიშვნებს არ გაითვალისწინებს, საქართველოს მასშტაბით მოქმედი ადვოკატები შევიკრიბებით და ქვეყნის საკანონმდებლო ორგანოსთან შიმშიმლობის პერმანენტულ აქციას გავმართავთ", - განაცხადა ზაზა ხატიაშვილმა.
შეგახსენებთ, რომ სისხლის სამართლის საპროცესო კოდექსში შესატან ცვლილებებს ადვოკატთა თხოვნით პრეზიდენტმა ვეტო დაადო. საკანონმდებლო ინიციატივას კი პარლამენტი უახლოეს დღეებში განიხილავს.