"მიკროსაფინანსო სექტორი ძალიან მნიშვნელოვანი სექტორია საქართველოს ეკონიმიკისთვის. ეს განაგრძობს ზრდას და ასეულობით მილიონ ლარს ითვლის. იმავე დროს, მათი ოპერირების სეგმენტი არის ძირითადად რეგიონები და სოციალურად დაბალი ფენა. ამიტომ ძალიან დიდი პასუხისმგებლობა და ეთიკის კოდექსის არსებობა აუცილებელია, განსაკუთრებით მომხმარებელთა უფლელებების დაცვის კუთხით. ჩვენ ამ მიმართულებით მივიღეთ შემდეგი გადაწყვეტილება, რომელიც 27 მაისიდან ამოქმედდება. ეს არის რეფინანსირების 2 %-იანი ზღვარი, რაც გულისხმობს, რომ ნებისმიერ მსესხებელს შეუძლია არაუმეტეს 2 % ის გადახდის შემთხვევაში გადავიდეს კონკურენტ ბანკში ან წინმსწრებად დაფაროს სესხი ან მოახდინოს რეფინანსირება ",_ განაცხადა გიორგი ქადაგიძემ.

ეროვნული ბანკის პრეზიდენტის თქმით, სექტორს აქვს მთელი რიგი საკითხები განსახილველი და ის მათთან დღევანდელ შეხვედრაზე ამ საკითხებს დეტალურად გაივლის.

" გავივლით ყველა ამ საკითხებს და არ გამოვრიცხავთ, რომ შუამდგომლობით მივმართოთ პარლამენტს საკანონმდებლო ცვლილებების განხორციელებისათვის", _ განაცხადა ქადაგიძემ.
შეგახსენებთ, რომ, ეროვნული ბანკის პრეზიდენტისა და მიკროდსაფინანსო ორგამოზაციების წარმომადგენლების შეხვედრა ეროვნულ ბანკში ამ წუთებშიც მიმდინარეობს. შეგახსენებთ, რომ დღეისათვის საქართველოს არასაბანკო სექტორი 63 მიკროსაფინასო ორგანიზაციითაა წარმოდგენილი. მიკროსაფინანსო ორგანიზაციების ძირითადი ამოცანა, მცირე და საშუალო ბიზნესის განვითარების ხელშეწყობით, სიღარიბის დაძლევაშიც გამოიხატება. ზედამხედველობის მიზანია მიკროსაფინანსო ორგანიზაციების სტაბილური ფუნქციონირების ხელშეწყობა. მიკროსაფინანსო ორგანიზაციების საქმიანობა რეგულირდება „მიკროსაფინანსო ორგანიზაციების შესახებ" საქართველოს კანონით, რომლითაც მათ ეკრძალებათ დეპოზიტების მიღება. კანონმდებლობითაა განსაზღვრული ერთ კლიენტზე გასაცემი სესხების და სხვა იურიდიული პირების კაპიტალში მათი მონაწილეობის ჯამური ოდენობა, ასევე დადგენილია მინიმალური კაპიტალის მოცულობა.