„შანგრი ლა თბილის"-ის მმართველი კომპანია „Storm International" მსოფლიოში მის ჰოლდინგში შემავალი სხვა სამორინეების მსგავსად, საქართველოშიც ნერგავს პროგრამას "საპასუხისმგებლო თამაში". შედეგად, „შანგრი ლა თბილისი" იქნება პირველი სამორინე საქართველოში, რომელიც მსგავს ინიციატივას განახორციელებს.
ამის შესახებ „Storm International"-ის დირექტორმა დარენ კინმა სამორინეში მენეჯმენტთან შეხვედრის დროს განაცხადა. თავისი გადაწყვეტილება მან შემდეგნაირად ახსნა: „ჩვენი კომპანია ყოველთვის ანიჭებდა დიდ მნიშვნელობას და იცავდა სათამაშო ოპერაციების საერთაშორისო სტანდარტებს, მათ შორის იმ რისკებისადმი დამოკიდებულებას, რომლებიც თავის თავში აზარტული თამაშებით გადამეტებულ გატაცებას გულისხმობს. ჩვენ გვსურს, რომ სტუმრები ჩვენთან ყოფნისას გაერთონ და ისიამოვნონ, თუმცა არსებობს მცირე პროცენტი ისეთი ადამიანებისა, რომლებსაც უჭირთ თავისი აზარტის კონტროლი და ამით არა მხოლოდ საკუთარ თავს, არამედ ახლობლებს და მეგობრებსაც ავნებენ. ჩვენი მოვალეობაა დავეხმაროთ ასეთ ადამიანებს ჩვენი შესაძლებლობების ფარგლებში და მივაწოდოთ მათ ინფორმაცია."
პროგრამა "საპასუხისმგებლო თამაში", რომელიც „Storm International"-ის დაწესებულებებში ხორციელდება, გულისხმობს სამორინეებში შესაბამისი საინფორმაციო ბროშურების გავრცელებას, დამოკიდებული მოთამაშეთათვის კონსულტაციის გაწევას და ასევე ე.წ. „შავ სიაში" ნებაყოფლობით შეტანას.
„შანგრი ლა თბილისი"
გასართობი კომპლექსი განთავსებულია ქალაქის ისტორიულ ნაწილში „მშვიდობის ხიდთან" ახლოს და არის ყველაზე თანამედროვე და დახვეწილი სათამაშო დაწესებულება საქართველოში. სამორინე „შანგრი ლა თბილისი" გთავაზობთ როგორც სამაგიდო თამაშების, ასევე თანამედროვე სათამაშო აპარატების დიდ არჩევანს საუკეთესო მსოფლიო მწარმოებლებისაგან. კომპლექსი ასვე მოიცავს VIP-კლუბს და რესტორანს.
დაწვრილებით: www.ShangriLa.ge
„Storm International"
ჯგუფი „Storm International" 1992 წელს ინგლისელი მაიკლ ბოტჩერის მიერ დაარსდა და მართავს სათამაშო დაწესებულებებს სხვადასხვა ქვეყნებში, მათ შორის: გერმანიაში, მექსიკაში, რუმინეთში, სომხეთში, ბელორუსიაში, რუსეთში და საქართველოში. ჰოლდინგის ფლაგმანებად აღიარებულია „შანგრი ლა"-ს სამორინეები საქართველოს, სომხეთის, ბელორუსიის დედაქალაქებში.
„Storm International" მთელ მსოფლიოში სათამაშო ბიზნესის ცნობილი ოპერატორია, 20-წლიანი ისტორიითა და რეპუტაციით.
კომპანიის მენეჯმენტი - ეს არის პროფესიონალთა გუნდი სათავეში მყოფი დარენ კინით, რომელმაც თავისი კარიერა ამ ჰოლდიგში პიტ-ბოსის პოზიციიდან დაიწყო და მთავარ აღმასრულებელ დირექტორმდე მიაღწია.
დავრილებით: www.StormInternational.com